EMC
EMC-eremua (bateragarritasun elektromagnetikoa) CAF I+Gko Teknologien Kudeaketaren ekipoaren barruan dago, eta haren xedea da CAF Taldeari laguntzea EMCri lotutako kontu guztietan. Haren jarduera bi multzotan banatuta dago: ingeniaritza-proiektuetan laguntzea eta estatuko eta Europako ikerketa-proiektuetan parte hartzea.
INGENIARITZA-PROIEKTUETAKO LAGUNTZA
Ingeniaritza-proiektuen barruan, EMC Sailak CAFeko hainbat saili ematen dio laguntza, tren-bateragarritasun elektromagnetikoari lotutako alderdiak zaintzeko. Bezeroaren espezifikazioen baldintza-orria eta aplikatu beharreko arauak eta direktibak abiapuntu izanik, EMCko kontrol-plan espezifiko bat egiten da proiektu bakoitzerako, eta hura betetzen dela ziurtatzeko estrategia zehazten da. Lan hauek definitzen dira:
- Ekipoen eta sistemen kanpo-hornitzaileek bete beharreko baldintzak.
- Kableen diseinuaren eta ekipoen lur-konexioaren fasean parte hartzen da.
- Eta, prozesua amaitzeko, trenbideko balidazio-saiakuntzak egiten dira.
EUROPAKO IKERKETA- ETA TRANSFERENTZIA-PROIEKTUTAN PARTE HARTZEA
Beste jarduera garrantzitsu bat da CAF I+Gk estatuko eta Europako ikerketa-proiektuetan eta aditu-batzorde edo normalizazio-taldeetan duen parte-hartzea. Horrek aukera ematen dio CAF Taldeari azken berrikuntzak hobeto ezagutzeko.
Gaur egun, VII. Esparru Programan parte hartzen ari da CAF I+G, TREND Europako proiektuan Haren helburua da edozein azpiegituraren saiakuntzen emaitzak zabaltzeko aukera emango duen saiakuntza generikoentzako gune bat definitzea, eta, saiakuntzen prozedura emateaz gain, elkarreraginean jarduteko aukera ematea.
CAF I+G, halaber, UNIFEren EMC aditu-taldean dago.
