Urbos

Irisgarritasuna

Urbos-en aldakortasunak berekin dakar irisgarritasun maximoarekiko konpromisoa.

Urbos-ek bidaiarientzako tranbia-ibilgailuen irisgarritasun-kondiziorik onenak ematen ditu. Arreta berezia jarri da desgaitasunen bat izateagatik sarbide hobea behar duten pertsonak tranbiara sartzeko prozesuan.

Urbos-ek duen bogie-sistemari esker, tranbiak zoru baxua du % 100ean. Zoruak errailaren gainean duen altuera 350 mm-koa da tren osoan zehar, baita ateen sarbide-eremuan ere. Hala, bidaiariek estropezu egiteko arriskurik ez dago.

Hauek dira hori lortzeko hartu diren neurrietako batzuk:

• Nasaren eta tranbiaren arteko tartea txikitzea.
• Tranbiaren barnealdean eta ateen ertzean heldulekuak ezartzea, mugikortasun murriztua duten pertsonen sarrera eta irteera errazteko.
• Ateak ixten direla ohartaraztea, soinuen eta argien bidez.
• Seinaleztapen akustikoa: gaitutako ateak aurkitzeko banakako seinaleztapen akustikoa eta T moduko interfonia eta megafonia.
• Ibilgailura sartzeko ateak kolorez bereiztea, ongi identifika daitezen.

Ezagutu itzazu CAFek bidaiarien erabateko irisgarritasunerako dituen soluzioak.

Tranbia modularra denez, eserlekuak modu askotara antola daitezke edukiera-behar jakinei erantzuteko. Kasu honetan, bezeroak MUPentzako eremuak gaitu ditzake, hurbileneko ateen funtzionalitatea dutenak.