Tranbia-familia hori soluzio modular bat da, eta hiri eta ustiapen-mota bakoitzaren beharrei egokitzen zaie. Horretarako, Urbos-ek bertsio hauek ditu: Urbos 100, Urbos 70, Urbos AXL eta Urbos TT.
Urbos 100 soluzioak bidaiari guztien irisgarritasuna bermatzen du. Izan ere, bidaiarien eremu guztia % 100 zoru baxukoa da. Hiru bogietako bost unitate dira; dena den, hiru kotxetik bederatzi kotxera bitarteko bertsioak daude.
3 bagoi: Edukiera, guztira*: 129
5 bagoi: Edukiera, guztira*: 221
7 bagoi: Edukiera, guztira*: 306
9 bagoi: Edukiera, guztira*: 397
Urbos 70 soluzioak hiru bogieren gainean artikulatutako hiru kotxeko tranbia bat du oinarri, eta bidaiarien eremuko erdiko gunea zoru baxukoa da (unitatearen luzeraren %70). Halaber, bost edo zazpi kotxez osatzeko aukera ematen du. Unitaterako sarrerak zoru baxuko erdiko eremuan daude.
3 bagoi: Edukiera, guztira*: 162
5 bagoi: Edukiera, guztira*: 251
7 bagoi: Edukiera, guztira*: 339
Urbos AXL soluzioak % 70-% 100 zoru baxua du, eta bidaiari-kopuru handiak garraiatzeko edukiera du. Kotxe-kopuru desberdineko osaerak egiteko aukera ematen du, eta irisgarritasunari lotutako araudi nagusiak betetzen ditu.
Tranbia horiek tren-ardatzak dituzte bogietan, eta, horri esker, biraketa erlatiboa egin daiteke erdiko moduluan, kaxaren eta bogiearen artean; hala, errazago inskribatzen da bihurgunean, eta azkartu egiten da zerbitzu-abiadura maximoa.
3 bagoi: Edukiera, guztira*: 187
4 bagoi: Edukiera, guztira*: 256
Aldiriak hirigunearekin lotzen.
Urbos TT bereziki hiriaren eta kanpoaldearen arteko konexioak optimizatzeko soluzio bat da. Tren/tranbia honek hiri-eremuan eta alboko herrien arteko aldirietan ematen du tranbia-zerbitzua.
Halako sistemei esker, lehendik dagoen tren-azpiegitura errentagarri bihur dezake bezeroak, eta garraiobide azkarra, garaiz iristen dena eta hirigunea eta urrunen dauden herriak zuzenean lortzen dituena eskaini erabiltzaileei.
Unitate artikulatuak soluzio oso zabaldua dira tradizio luzeko tranbia-administrazioetan; bereziki, Ipar Ameriketako merkatuan. Euskarrian hiru errodadura- edo bogie-multzo dituzten bi kotxe artikulatuk osatzen dituzte ibilgailu horiek. CAFen Urbos LRV tranbiak mundu guztiko hirietan daude, eta garraio-zerbitzu eraginkor, eroso eta ingurumena zaintzen duena eskaintzen dute.
* 2.650 mm zabal den tranbia batentzako bidaiari-kopuru totala (bidaiariak eserita edo zutik daudela), kalkulatuta oinezko tokietan 4 pertsona/m² sartzen direla. Aldakorra, barruko diseinuaren araberakoa.