CAFen aldiriko trenek garraiobide azkar, seguru eta errentagarri bat izateko beharrari erantzuten diote; tren horiek, orobat, ingurumena errespetatzen dute, eta bidaiari-kopuru handia garraiatzeko edukiera dute. Horren erakusle dira Espainiako hiri nagusietako aldirietako zerbitzuak estaltzeko RENFEri hornitutako 500 CIVIA kotxeak.
Barnealdeko diseinuaren soluzioek hainbat aukera eskaintzen dituzte, bezero bakoitzaren beharren arabera molda daitezkeenak: eserlekuak jartzeko hainbat modu, kafetegi eta vending guneak dituzten kotxeak, komun-kopurua eta maletategiak eta bizikletak jartzeko eremua. Aukera-multzo horren bidez, zerbitzu bikaina eskaintzen zaie azken erabiltzaileei, eta segurtasun- eta erosotasun-arloko azken berrikuntzez gozatzeko aukera ematen zaie.
CIVIAren arrakasta oinarri harturik, Civity zoru baxuko trenek malgutasun handia eskaintzen diete bezeroei. Hainbat osaera dituzte trenek, eta bezeroen beharretara egokitu daiteke barruko eta kanpoko diseinua.
Soluzio malguak eskaintzen ditu geroz eta distantzia txikiagoak dituen eta ingurunea gehiago errespetatzen duen mundu baterako.