2013an, Mass Rapid Transit Bureauk, Kaohsiung Cityk (KMRT) eta Evergreen Construction Corp.ek eta CAFek osatzen duten partzuergoak kontratu bat sinatu dute Kaohsiung hirian tren arinerako linea zirkularraren lehen fasea egiteko. Linea berria bi fasetan egingo da, eta 30 km izango dira guztira. Kaohsiung portu-hiria Taiwango bigarren hiri garrantzitsuena da.
Giltza eskura motako proiektua da, eta CAFen ardura dira material ibiltaria, elektrifikazioa, seinaleztapena, tiketak saltzeko sistema eta azpisistema guztien integrazioa. Hori dela eta, proiektuan CAF Taldeko bi enpresa hauek parte hartzen dute: CAF Signalling eta CAF Transport & Engineering.
Tranbiak Urbos familiakoak dira, eta bakoitzak 5 modulu ditu. Noranzko bikoak dira, eta 4 ate dituzte albo bakoitzeko. Lehen faseko 8,6 km-an katenariarik gabeko jarduerarako GREENTECH teknologia sartzen duen Asiako lehen tranbia da.