CAF enpresa Luxenburgo hiriko lehen tranbia-lineako tranbia-hornitzailea da. Zehazki, Luxtram konpania 21 ibilgailuz hornitzeko da kontratua. Urbos plataformako tranbiak dira, eta garraio-ahalmen handia dute, 7 moduluz osatuta baitaude.
Unitatea % 100 zoru baxukoa da; hala, errazagoa da edozein erabiltzaile-motarentzat tranbian sartzea eta handik ateratzea, baita tranbian bertan batetik bestera mugitzea ere.
Gainera, tranbia berriek CAF Power&Automation-ek garatutako Greentech Freedrive teknologia erabiltzen dute. Energia metatzeko sistema ontziratu bat da, katenariarik gabe zirkulatzeko aukera ematen duena. Proiektuaren barnean, Zubi Gorriaren eta Luxenburgoko geltoki zentralaren arteko aireko energia-hargunea ezabatzea sartzen da; han, katenariarik gabe ibiliko dira tranbiak.