Proba-unitate bat, mantentze-lanen lantegi batean

SALDU OSTEKO ZERBITZUA

LAGUNTZA-TALDE MALGUAK

CAFek esperientzia handia du bere produktu guztien saldu osteko zerbitzuan. Ustiapen-tokietan, laguntza teknikorako talde malguak ezartzen ditu, oso profesional prestatuek osatuak, trenek funtzionatzean gerta litezkeen ustekabeak konpontzeko.

CAFen proiektu guztiek saldu osteko ingeniaritzaren laguntza izaten dute. Talde hori arduratzen da flotaren zerbitzu-kalitatearen parametroak aztertzeaz eta hobetzeaz, eta horretarako bideratutako hobekuntza-ekintzak diseinatu eta ezartzeaz.

BIZI-ZIKLOAREN KOSTUAK MURRIZTEA

Halaber, trenak ustiatzean identifikatzen eta ezartzen den edozein hobekuntza (herrialdea edozein dela ere) zentralizatu egiten da, eta Produktu Ingeniaritzara eramaten da, ziurtatzeko etorkizuneko diseinuetarako feedback egokia dagoela eta ondorengo produktuak etengabe hobetzen direla.

Horren guztiaren ondorioz, optimizatu egiten dira trenen fidagarritasun-adierazleak, erabilgarritasuna, mantengarritasuna eta segurtasuna, produktuaren bizi-zikloaren kostua murriztu egiten da, eta, orobat, etengabe hobetzen dira etorkizuneko produktuak.