CAFek harreman estua du eta lankidetzan aritu da urte askoan tren-industriako eta antzeko sektoreetako erreferentziako enpresekin, obra zibilak egiten dituzten eta sektore elektrikoan aritzen diren konpainiekin eta finantza-instituzio eta erakunde publikoekin. Horri guztiari esker, izen handiko proiektuen buru izan da, mundu guztian, lehiaketa bidez irabazitako lanetan eta "giltza eskura" gisakoetan.
Lehiaketa bidezko tren-proiektuak gero eta gehiago eskatzen dituzte mundu guztiko bezeroek. Ekimen pribatuak gero eta gehiago parte hartzen du azpiegitura berriak sustatzen eta finantzatzen, eta, horren ondorioz, ezinbestekoa da arlo honetan eragile berriak azaltzea.
CAFek lehiaketa bidezko tren-proiektuen soluzioak garatu ditu, eta bezeroen beharretara egokitu da, gero eta konplexuagoa den merkatu horretan.
Eragiketa horiek BOT-sistema klasikoari jarraitzen diote (Build–Operate–Transfer): eraiki, jardun, transferitu. Alegia, CAFek bere gain hartzen du proiektu guztiaren ardura, zuzendaritza eta kudeaketa, obra eraikitzen hasten denetik lehiaketa bukatu arte.
CAFek proiektu osoak "giltza eskura" gauzatzeko esperientzia, ezagutza eta gaitasuna ditu.
CAFek azpiegitura, elektrifikazio-lan eta seinaleztapen guztia integratua duela entregatzen dio sistema bezeroari, hark bere beharren arabera erabil dezan. CAFek, halaber, laguntza ematen du jardueran, baina, kasu horretan, lehiaketetan baino arrisku txikiagoa hartzen du.
CAFek eskarmentu handia du hainbat herrialdetan tren-proiektu konplexuak garatzen: