Aldiriko Trenak

Bidaiariak garraiatzeko trenbiderako material birakaria diseinatzea eta fabrikatzea da CAFen espezializazioa, batik bat mugikortasun handiko eremuetarako. Produktu horiek guztiek gure Teknologia Zentroan garatutako aurrerapen teknologikoak dituzte.

RENFEk Espainiako hiri nagusietako aldiriko trenen diseinua eta fabrikazioa eskatu dio CAFi (lan horiek egiteko lehiaketak irabazi ondoren). CIVIA trena da sistema horretako garapenik berriena eta modernoena.

Bezeroari begira diseinatutako produktua da. Kontu handiz zaindu dira informazio- eta komunikazio-sistemak, bai eta trenera sartzeko nahiz trenetik ateratzeko erraztasuna, erosotasuna eta klimatizazioa.

Halaber, CAFek beste garraio-sare batzuk –eskualdeko administrazioei dagozkienak– material berriagoaz hornitzen ditu:

•   Eusko Trenbideak (ET/FV)
•   Ferrocarrils de la Generalitat de Catalunya (FGC)
•   Ferrocarriles de Vía Estrecha (FEVE )
•    Mallorcako SFM

Espainiatik kanpo, CAFek honako herri hauentzat egin ditu aldiriko eta hiri inguruko ibilgailuak:

•   Finlandia (Finlandiako trenbideak)
•   Ingalaterra (Heathrow Express)
•   Portugal (Lisboa)
•    Txina (Hong Kong Lar Airport).