Kalitate-bermea
Kalitate goreneko erantzuna
CAFek, fidagarritasun handiko produktuak eskaintzeko konpromisoa duenez, gure produktuek jardunean duten portaeraren segimendua egiten du, gure produkzio-katean etengabe hobetzeko ekintzak egin ahal izateko. Hori dela eta, Kalitatea Bermatzeko Saila dugu, 170 profesional baino gehiago dituena.
produkzioa optimizatzea eta bezeroari egokitzea
CAFen lantegi guztiek merkatuko teknologia modernoena dute, eta produkzioa optimizatzeko teknika aurreratuenak erabiltzen dituzte, ISO 9001:2015 Arauaren eta ISO/TS 22163:2017en estandarrei jarraituz —haien arabera ziurtatuta dago konpainia—, eta produktu eta zerbitzu bakoitzaren erreferentzia espezifikoagoen arabera (ISO3834, EN15085, AAR M-1003, DIN6701, etab.).
Geure lan-estiloaren parte da proiektuak eta fabrikazioak bezero bakoitzaren eskakizunetara egokitzea.
instalazio eta laborategi propioak
Bezeroak eta azken erabiltzaileak gure produktuekin beti gustura egon daitezen, geure instalazioak eta laborategiak ditugu, eta, haietan, hainbat motatako proba eta saiakuntza estatiko nahiz dinamikoak egiten dira:
- Altzairuzko elementuen eta beren aleazioen analisi kimikoa
- US, X izpi eta PM bidezko saiakuntza ez-suntsitzaileak
- Askotariko saiakuntza mekanikoak
- Gurpilak eta ardatzak US eta PM bidez kontrolatzea
- Eraikuntza-ezaugarriak eta ezaugarri funtzionalak egiaztatzeko instalazioak
- Egiaztapen-elementuen dimentsio- eta kalibrazio-alderdiak kontrolatzeko metrologia-aretoa