CAFek, hiri-garraioko sistemak fabrikatzen eta ezartzen duen urtetako esperientziaz baliatuz, Urbos soluzioa sortu du, erabiltzaile eta operadoreen eskakizun zorrotzenei erantzuteko gai diren tranbien sorta bat.
Urbos familian, tranbiak, metro arinak eta trenak/tranbiak sartzen dira, berritzaileak eta kalitate onekoak denak ere, bereziki diseinatuak azken erabiltzaileari bidaia-esperientzia paregabea eskaintzeko.
Urbos tranbiak zoru baxua du hedadura guztian, eta, horri esker, bidaiariak errazago sartzen eta ateratzen dira tranbiatik, nasaren maila berean geratzen baita. Zoruaren altuera desberdina izan liteke Urbos TT ed Urbos AXL tranbietan.
Tranbia hiri bateko hiri-nortasunaren elementu berezi eta funtsezko bihur liteke. Diseinu desberdin eta originalari esker, Urbos-ek ibiltzen den hiriaren irudia aberasten eta modernitzatzen laguntzen du, eta berezko nortasuna ematen dio.
Diseinu moderno eta futurista du, bai tranbiaren kanpoaldean, bai barrualdean, eta, orobat, bidaiariek erosotasun-maila altua izatea bermatzen du.
Erosotasuna eta segurtasuna ditu abiapuntu Urbos-en diseinuak. Hori dela eta, bereziki hiri- eta tranbia-garraioetan egunero erabiltzeko sortutako eserlekuak ditu tranbia honek. Eserleku erosoak, modularrak, banakakoak, ekintza bandalikoei eusteko modukoak eta arinak dira, elkarren artean truka daitezkeenak.
Urbos tranbia guztiek, gainera, aire girotuko eta berokuntzako sistemak dituzte, erabiltzaileek egiten dituzten joan-etorrietan ahalik eta erosotasun-mailarik handiena izan dezaten.
Urbos-ek barruko adierazleak ditu bidaiariei ibilbidearen berri edo beste datu batzuk emateko (iristeko ordua, hurrengo geldialdiak, konexioak...). Sartzeko plataforma bakoitzean, adierazle bat dago, helduleku bertikalaren kokalekuarekin bat datorrena.