2011n, kontratu bat sinatu zuen CAFek Friuli Venezia Giulia eskualdearekin, Trenitalia operadorearen eskualdeko lineetarako zortzi tren elektriko hornitzeko. Civity motakoak dira unitateak, hau da, tren modularrak eta zoru baxukoak, Europako bezero eta operadore nagusien premietara egokituak.
Bidaiarien garraio masiborako bost bagoi ditu unitate honek. Ibilgailuaren zoru-altuera 600 mm-koa da; hori dela eta, edozein nasatatik erraz sar daiteke trenera. Bestalde, bi leku ditu trenak mugikortasun mugatua duten eta gurpil-aulkian ibiltzen direnentzat. Igogailu bati esker, inongo arazorik gabe igo daitezke aipatutako erabiltzaileak ibilgailura.
Gerora, beste lau trenen salerosketa-kontratua sinatu dute alde biek. Oraingo honetan, Civity motakoak dira trenak, bi tentsiokoak. Austriak eta Esloveniak Friuli-Venezia Giuliarekin erkide dituzten mugaz haraindiko sareetan ibiltzeko daude diseinatuta unitate horiek.