CAFek Push-Pull unitate modernoenak diseinatzeko, fabrikatzeko eta hornitzeko kontratu bat sinatu du Saudi Railway Company (SAR) konpainiarekin. Unitate berri horiek segurtasun arloko azken aurrerapen teknologikoak izango dituzte, eta interiorismoaren arloko eskakizun zorrotzenak beteko dituzte. 200 km/h baino gehiagoko abiadura hartu ahal izango dute.
Tren horiek familientzako, haurrentzako eta otoitz egiteko guneak dituzte, baita mugitzeko arazoak dituzten pertsonentzat bereziki diseinatutako instalazioak ere. Horrez gain, jantoki bagoia eta ibilgailuak eramateko bagoia ere izango dituzte, nahi duten bidaiariek beren autoak bertan eraman ditzaten.