2012an, Brasilgo Minas Gerais estatuko hiriburu den Belo Horizonterako 4na bagoiko aldiriko 10 tren egiteko kontratua sinatu zuen CAFek CBTUrekin (Companhia Brasileira de Trens Urbanos).
1.500 bidaiaritik gora garraia ditzakete tren elektriko hauek (azken belaunaldikoak, bi noranzkokoak), eta mugikortasun mugatua dutenak trenera erraz sartzeko daude diseinatuta. Lehendik ere hornitu izan du CAFek herrialde hori horrelako ibilgailuz; zehazki, Sao Pauloko CPTMri saldu izan dizkio.
2,3 milioi biztanle ditu Belo Horizontek, eta 2014ko Munduko Futbol Txapelketa jokatzeko izendatutako hirietako bat da, bai eta 2016ko udako Joko Olinpikoetako azpiegoitzetako bat ere.