Euskotrenek aldiriko trenen flota berritu du 30 tren elektriko berrirekin. Zabalera metrikoko unitate bat da, lau kotxez, bi motorrez eta bi atoiz osatua. 900 serieko tren berri hauek teknologia aurreratuenak dituzte, EAEko sare propioan ematen diren tren-garraioko zerbitzuen erabiltzaile guztien erosotasun eta segurtasunerako.
Ibilgailu hauek, gainera, irisgarritasun-arau berrietara egokitzen dira. MUP eremuetatik hurbil dauden ateek arrapala automatikoak dituzte mugikortasun murriztuko pertsonen irisgarritasun osoa bermatzeko. Beste neurri batzuk ere hartu dira, hala nola itsuentzako abisu akustikoak eta entzumen murriztua dutenentzako argi-seinale dizdizariak.