CAFek hornituko ditu Bostoneko Green Line linean ibiliko diren unitate artikulatu berriak. Massachusetts Bay Transportation Authorityk kudeatuko duen sistemak linea horretan dabiltzan tranbien flotaren zati handia berrituko du. ‘Made in USA’ unitateak CAFek New Yorkeko estatuan Elmiran duen lantegian fabrikatutakoak dira.
CAFeko Urbos familiako kide gisa, unitate berriek segurtasun eta irisgarritasun arloan azken aurrerapen teknologikoak dituzte eta prestazio bikainak eskaintzen ditu, hala nola erosotasun maila handia bidaiarientzat, aurreko serieetako diseinuaren lerroa mantenduta.
Kontratu berriak, 2022an sinatutakoak, bezeroak CAFengan duen konfiantza berresten du. Unitate horietan 7 modulu daude; % 100 zoru baxukoak dira eta mugikortasun murriztuko bidaiarientzako lehentasunezko eremuak dituzte, ibilgailurako irisgarritasuna maximizatuta.