SCHÖNBUCHBAHN ALDIRIKO TRENA

CAF da Zweckverband Schönbuchbahn (ZVS) EMU arinez hornitzen duen enpresa. Unitateak NEXIO plataformakoak dira, CAFen hiri barruko zein inguruko herrien arteko mugikortasunerako tren elektriko arinen gama berria.

Trakzio elektrikoko ibilgailua da, 3 bagoik osaturikoa. Halaber, unitateak garraio-edukiera handia eskaintzen dio operadoreari, unitate bakoitzean 212 bidaiari garraiatu ahal baititu. Aldi berean, unitate artikulatu horrek merkatuan horrelako ibilgailuetan dauden irisgarritasun-baldintzarik onenak dauzka: mugikortasun urriko bidaiarientzako guneak dauzka eta horren korridoreak zabalak dira, bidaiariak trenaren barruan segurtasunez ibil daitezen.

Unitate elektriko berriak ZVSren sarean operatuko dira, hain zuzen ere, Böblingen, Holzgerlingen eta Dettenhausen herriak lotzen dituen linean. Alemanian egin den bigarren proiektu hori, CAFek merkatu alemanaren alde egin duen apustuaren erakusgarri da, konpainiak Friburgo hiria tranbiez hornitu baitu.