Zerbitzuak

TREN-ZERBITZUAK

Tren-zerbitzuen sorta zabala, trenen bizi-zikloaren kostua optimizatzeko.

MANTENTZE-LANAK ETA SALDU OSTEKO ARRETA

CAFek esperientzia handia du hainbat tren-motaren mantentze-lanetan eta saldu osteko zerbitzuan; hala, balio optimoak lortzen ditu ustiapeneko fidagarritasun, erabilgarritasun, mantengarritasun eta segurtasunean. Esperientzia hori, CAFek fabrikatutako trenetan ez ezik, beste fabrikatzaile batzuen askotariko material gurpildunetan ere erabiltzen da.

Erabateko kalitatezkoa

CAFek bost kontinenteetan duen presentzia eta nazioarteko arauen betetzea (ISO 9001:2015, ISO/TS 22163:2017, ISO 14001:2015, ISO 45001:2017, Araudia EB 445/2011, Araudia EB 2019/779) proiektu guzti-guztietarako “erabateko kalitatezko” planteamenduan uztartzen dira.

Zerbitzu-gama zabala

Zerbitzuen gama zabalak bezeroaren edozein eskakizun osagarri estaltzen du: mantentze-lanetako langileen eta gidariaren prestakuntza, mantentze-ingeniaritzari eman beharreko euskarria, punta-puntako irtenbide teknologikoak gehitzea, material mugigarriaren modernizazioa eta ordezko piezen kudeaketako zerbitzu integrala, besteak beste.

Hori guztia helburuak betetzeko asmoarekin egiten du, beti bezeroaren beharretara egokituz eta proiektu bakoitzean kontroleko maila gorenak mantenduz.