2020/02/06
Norvegiako VY operadoreak akordioa adostu du Euromaintekin Eskandinaviako herrialdean Bergeneko trenetarako Norvegiako enpresak operatuko duen flotaren mantentze-lana 9 urtez egiteko.
CAF Taldeko Suediako filialak, trenen mantentze-zerbitzuen eta tren-osagaien segmentuan herrialdeko liderra denak, sektore horretan pilatuta duen esperientzia zabala eskainiko du. Jardueraren zati handiena Bergenen egingo du (gaur egun, linea horretarako mantentze-lanetarako tailer berria ari dira eraikitzen bertan).
Kontratu hori izango da Euromaintek Norvegian egingo duen lehen lana; beRtan, VYren eskutik garatu ahal izango du bere jarduera bi enpresa horiek trenen operazioarekin lotuta tokiko baldintzen inguruan dituzten ezagutza sakonari eta trenen mantentze-lan eragingarria eta kalitatezkoa bideratzeko dituzten metodo aurreratuenei esker.
Bergeneko treneko linea (Bergensbanen izenekoa) da Oslo eta Bergen artean zirkulatzen duen trena. Europako iparraldeko tren altuena izateaz gain, ezaguna da Europako treneko ibilbide ederrenetako bat delako.
Abenduan esleitu zioten VYri Bergeneko treneko lineen operazioa kudeatzeko kontratua. Horren helburua izango da distantzia handiko, eskualdeko eta tokiko trenen zirkulazioa areagotzea, eskualdean garraio arlokO konexio hobeak eskaintzea eta, aldi berean, zerbitzuan dauden trenetako barruko eskaintza hobetzea. Horrekin lotuta, aipatu beharrekoa da VY Taldea dela Eskandinavia inguruko garraio-talde handienetako bat. Garraio eta Komunikazio Ministerioaren bidez, Norvegiako gobernuaren jabetzakoa da. Herrialde hartako autobus-zerbitzuen kopuru handiaz eta bidaiarientzako trenen zerbitzu gehienez arduratzen da.
2019. urtean CAF Taldeak Euromaint enpresa erosi izanari esker, zerbitzuen prestazio arloan gero eta handiagoa zen jarduera sendotu ahal izan zuen. Orain, kontratu berri honekin, Eskandinaviako herrialdeetako merkatuan duen presentzia sendoa indartu du (Taldeak, azken urteotan, proiektu ugari garatu du bertan).
CAF-ek beste bost metro unitate hornituko ditu helsinkirako
HKL (Helsingin kaupungin liikennelaitos) enpresak, Helsinki hirian garraio publikoko sistemak operatzeaz arduratzen denak, CAFi M300 serieko beste bost metro-unitate erostea erabaki du. Eskaria CAFek Finlandiako hiriburuko metroari dagoeneko hornitu dizkion eta gaur egun zerbitzu komertzialean dauden beste 20 trenei gehituko zaio.
Unitate berriak (bakoitza 4 kotxekoa da) oraingo M300 ibilgailuen antzekoak izango dira eta Helsinkiko metroko gaur egungo unitateen flota 45 trenetik 50era handituko dute. Izan ere, CAFek fabrikatutako M300 serieko 20 trenez gain, gaur egun M200 serieko 6 tren eta M100 serieko 19 tren daude zirkulazioan. Tren berrien luzera, guztira, 90 metrokoa izango da eta gutxi gorabehera 575 bidaiarirentzako edukiera izango dute. Mutur batetik bestera osotasunean izango dira irisgarriak eta, hala, ibilbidean kotxeen artean mugitu ahal izatea erraztuko da. Trenez gain, horietarako ordezko piezen hornikuntza jasotzen du esleipenak. Unitateak 2022. urtean entregatzea aurrez ikusi dute. Horien bidez, 2020ko hamarkadaren lehen erdirako West-etik Kivenlahti-ra doan metro-linean aurrez ikusi duten zirkulazio-igoerari aurre egin ahal izango diote.
Zero isurpeneko 14 autobus artikulatu erosi dizkio TMBk CAF Taldeari
Amaitzeko, Bartzelonako metropoliko garraio-konpainiak, TMBk, atzo jakinarazi zuen Solarisi, CAF Taldeko filialari, 14 autobus elektriko erostea erabaki duela. Bartzelonako eta haren metropoli eremuko hiriko autobusen flota berritzeko eta ingurumenari dagokionez eguneratzeko TMBk abian jarri dituen planetan sartu behar dugu erosketa hori. Zehatzago esanda, ibilgailu elektriko berri horiek H16 (Passeig Zona Franca - Foro / Besòs Campusa) aldatzeko lanekin aurrera jarraitzea ahalbidetuko dute operadore horrek abian jarriko duen zero isurpeneko lehen linean.
Solarisek hornituko dituen 14 autobusak Solarisen New Urbino modelokoak dira. 18 metroko luzera izango dute eta bateriak kargatzeko pantografoekin ekipatuta egongo dira. Kargatzea bizkor egin ahal izango dute ibilbidean, eta modu mantsoagoan autobusak deposituan gordeta dauden bitartean. Unitateak Kataluniako hiriburuan 2021. urtearen hasieran zerbitzuan jarriko dituztela aurrez ikusi dute.
Joan prentsa-oharretaraKontsultaren bat egin nahi izanez gero, jarri harremanetan Prentsa Sailarekin: