Prentsa-oharrak

2023/03/20

CAF-EK TRANBIEN BI KONTRATU LORTU DITU HUNGARIAN ETA ESPAINIAN

CAF Taldeak Urbos plataformako tranbiak hornitzeko bi eskari berri lortu ditu eta horien guztizko zenbatekoa 100 milioi euro baino gehiagokoa da. Alde batetik, 31 unitate entregatuko dizkio BKK (Budapesti Közlekedési Központ) operadoreari Budapesten eta, bestetik, Sevillako Alcalá de Guadaíra udalerrira 6 tranbia hornituko ditu. 

BUDAPESTEKO TRANBIAK UNITATE GEHIAGOREKIN HANDITU DU ESKARIA 

Hungariako hiriburuko garraioa kudeatzeaz arduratzen den enpresaren, BKKren, bidez, Budapest hiriak hornitutako unitate kopurua handitzeko hasierako kontratuan jasotako beste aukera bat gauzatu du. Kasu honetan, 31 tranbia gehiago izango dira. Haietako 26k 5 modulu izango dituzte eta gainerako 5ek 9 modulu. Gainera, ekipoak eta zerbitzu osagarriak ere entregatuko dituzte tranbiekin batera. 

CAFek 2014ko martxoan sinatu zuen BKKrekin bere lehen kontratua, eta 37 unitateren hornikuntza jasotzen zuen. Gainera, etorkizunean zabalkuntzak egindako unitate kopurua handitzeko aukera biltzen zuen kontratuak. Ordutik, bezeroak aukera horietako batzuk erabili ditu eta beste 36 unitate jaso ditu dagoeneko. Guztiak daude zerbitzu komertzialean eta joan den urtearen amaieran esleitutako eta gaur egun diseinu- eta fabrikazio-prozesuan dauden beste 20 unitate gehituko zaizkie laster. 

Zoru baxuko ibilgailuak dira eta horrek sarrera errazten die mugikortasun gutxiko pertsonei, gurpildun aulkiei eta haur-kotxeei. Gainera, 50 km/h-ko zerbitzu-abiaduran zirkulatzeko diseinatuta daude. Bost moduluko tranbiek 34 metroko luzera eta 326 bidaiari arte garraiatzeko edukiera dute. Aldiz, bederatzi moduluko unitateek 56 metroko luzera dute eta gehienez 562 bidaiari garraia ditzakete. Hain zuzen ere, mundu osoko luzeenetako bat da. 

Nabarmendu beharrekoa da Hungariako hiriburua izan zela hiriko garraiobide hau ezarri zuen lehen hirietako bat. Hain zuzen ere, gaur egun 40 tranbia-linea inguruk osatzen duten sare zabala du. Haietako batzuk dira, gainera, Europa osoan bidaiarien bolumen handiena garraiatzen dutenak. Horregatik, garrantzi handia du hiriak berriro ere bere konfiantza CAF Taldean jarri izanak; izan ere, ez dugu ahaztu behar Hungariako hiriburuan, aipatutako tranbiez gain, Solaris etxeko trolebusen kopuru handia dagoela funtzionamenduan. Zehazki, 2014tik, bezero horrek berak Solaris etxearen Trollino modeloko 108 modelo baino gehiagoko eskariak adostu ditu. 

ANDALUZIAKO JUNTAK CAF-I ESLEITU DIO ALCALÁ DE GUADAÍRAKO TRANBIARAKO 6 UNITATE FABRIKATZEKO LANA 

Andaluziako Juntako Sustapen Kontseilaritzak CAFi esleitu dio Sevillako Alcalá de Guadaírako tranbia-sarean operatuko duten sei unitateren hornidura. Kontratuak unitateen mantentze-lanak bi urteko epean egitea eta unitate horietarako parkeko piezak hornitzea jasotzen du gainera. 

Aurrez ikusitakoaren arabera, tren horietako bostek udalerri horretako sarean emango dute zerbitzua. Aldiz, seigarren unitate bat kotxe-tokietan egongo da erabilgarri Sevillako metroko 1. linearekin zerbitzu sinkronizatua eskaini ahal izateko. Pablo de Olavideko geltokian lotuko da harekin (geltokiari izena ematen dion unibertsitatearen ondoan). 

Horrekin lotuta, nabarmendu beharrekoa da beren garraio-sarean CAFek hornitutako unitateak dituzten Andaluziako udalerriak gehiago izango direla. Izan ere, Alcalá de Guadaírakoaz gain, CAFen ibilgailuak funtzionamenduan dituzten trenbide-lineak udalerri hauetakoak dira: Granada, Malaga, Sevilla eta Cádizko badia.