Prentsa-oharrak

2013/07/29

CAF-EK 50 MILIOI EUROKO IRABAZIA LORTU DU ZERGEN ONDOREN 2013KO LEHEN SEIHILEKOAN

Eskaera-zorroa, 2013ko ekainaren 30ean, 4.933,8 milioi eurokoa da. Gaur egungo zorroa kontuan hartuta, % 85 baino gehiago nazioarteko merkatuko proiektuei dagokie.

 TALDE BATERATUAREN DATUAK

 Negozio Zifraren Zenbateko Garbia, 2013ko ekainaren 30ean, 780,9 milioi eurokoa izan da; hau da, 2012ko 1. seihilekokoaren amaierakoa baino txikiagoa, ordukoa 935,7 milioi eurokoa izan zen-eta.

 EBITDA marjina, 2013ko ekainaren 30ean, 120,4 milioi eurokoa da; hau da, 2012ko ekainaren itxierako zenbatekoa baino % 8 handiagoa gutxi gorabehera.

 Ekitaldiko etekin garbia, sozietateen zerga ordaindu ondoren, 50 milioi eurokoa izan da 2013ko ekainaren 30ean, salmenta-zifraren % 6,4koa, hain zuzen.

 Une honetan, enpresa garatzen ari den proiektuetatik, honako hauek dira aipagarrienak: aldiriko unitateen horniketa Sao Paulorako, Belo Horizonterako eta Reciferako (Brasilen), Triesterako (Italia), Montenegrorako, Aucklanderako (Zeelanda Berria) eta Eusko Trenbideak sozietaterako; trenak Estatu Batuetako Amtrak enpresarako eta Saudi Arabiarako; tranbiak Granadarako, Malagarako, Stockholmerako, Houstonerako, Cincinnatirako, Debrecenerako, Besançonerako, Sidneyrako, Friburgorako, Tallinerako, Cuiabarako eta Taiwango Kaoshiungerako; eta metro-unitateak Erromarako, Bukaresterako, Caracaserako, Sao Paulorako, Helsinkirako eta Txileko Santiagorako.