2014/02/26
CAFeko eskaera-zorroa, 2013ko abenduaren 31n, 4.802,9 milioi eurokoa izan da. Zorro horretatik, % 80 inguru nazioarteko merkatuko proiektuei dagokie.
2013ko abenduaren 31n, negozio-zifraren zenbateko garbia 1.535,2 milioi eurokoa izan da eta, zenbateko horretatik, % 83,2 kanpoko merkatuetako lanei dagokie. Zifra hori 2012ko ekitaldiaren amaierakoa baino txikiagoa da; izan ere, orduko zenbatekoa 1.721,2 milioi eurokoa izan zen.
2013ko abenduaren amaieran, EBITDA marjina 222,9 milioi eurokoa izan da; hau da, 2012ko ekitaldiko zifra baino % 23 handiagoa gutxi gorabehera, ordukoa 181,9 milioi eurokoa izan baitzen.
Sozietateen gaineko Zergaren aurreko ekitaldiko irabazia, 2013ko abenduaren 31n, 114,3 milioi eurokoa izan da; hau da, 2012ko ekitaldian lortutako 127,8 milioi euroko zenbatekoa baino txikiagoa.
Ekitaldiko etekin garbia, Sozietateen gaineko Zergaren ondoren, 91 milioi eurokoa izan da 2013ko abenduaren 31n, salmenta-zifraren % 6koa, hain zuzen.
Gaur egun CAF garatzen ari den proiektuen artean, honako hauek aipatu behar dira: aldiriko unitateen hornikuntza Sao Paulo, Belo Horizonte eta Recifeako (Brasilen), Triesteako (Italia), Auckland (Zeelanda Berria) eta EuskoTrenbideak enpresarako; trenak Estatu Batuetako Amtrak enpresarako, Italiarako, Saudi Arabiarako; tranbiak Malaga, Granada, Stockholm, Houston, Cincinnati, Kansas, Besançon, Sidney, Birmingham, Friburgo, Tallín, Cuiaba eta Kaoshiung (Taiwan) hirietarako; eta metro-unitateak Erroma, Bukarest, Sao Paulo, Medellín, Txileko Santiago eta Helsinki hirietarako.
Joan prentsa-oharretaraKontsultaren bat egin nahi izanez gero, jarri harremanetan Prentsa Sailarekin: