Prentsa-oharrak

2014/04/29

2014KO EKITALDIKO LEHEN HIRUHILEKOKO EMAITZAK

CAFeko eskaera-zorroa, 2014ko martxoaren 31n, 4.701,7 milioi eurokoa da. Gaur egungo zorroa kontuan hartuta, % 80 inguru nazioarteko merkatuko proiektuei dagokie.

TALDE BATERATUAREN DATUAK

2014ko ekitaldiaren lehen hiruhilekoaren amaieran, negozio-zifraren zenbateko garbia 375,8 milioi eurokoa da; hau da, 2013ko martxoaren amaierako zifra baino 28,1 milioi euro gutxiagokoa. Zenbateko horretatik, % 85,8 kanpoko merkatuetako lanei dagokie.

2014ko martxoaren amaieran, EBITDA marjina 41,9 milioi eurokoa izan da; hau da, salmenta-zifrarekiko % 11,2koa.

Sozietateen gaineko zergaren aurretik, ekitaldiko irabazia 25,7 milioi eurokoa izan da 2014ko martxoaren 31n; hau da, salmentekiko % 6,8koa.

Sozietateen gaineko Zergaren ondoren, ekitaldiko irabazi garbia 19,5 milioi eurokoa izan da 2014ko martxoaren 31n; hau da, 2013ko hiruhileko bereko irabaziarekin alderatuta, % 12,2 txikiagoa.

Gaur egun CAF mundu osoan garatzen ari den proiektuen artean, honako hauek aipatu behar dira: aldiriko unitateen hornikuntza Sao Paulo, Belo Horizonte eta Reciferako (Brasilen), Triesteako (Italia) eta Aucklanderako (Zeelanda Berria); trenak Estatu Batuetako Amrak enpresarako, Italiarako, Saudi Arabiarako; tranbiak Malaga, Granada, Stockholm, Houston, Cincinnati, Kansas, Besançon, Sidney, Birmingham, Friburgo, Tallín, Cuiaba Budapest eta Kaoshiung (Taiwan) hirietarako; eta metro-unitateak Erroma, Bukarest, Sao Paulo, Txileko Santiago eta Helsinki hirietarako.