Prentsa-oharrak

2014/07/31

METRORREY PROIEKTUAREN ESLEIPENA

Uztailaren 30ean, esleitu zitzaion CAFek gidatzen duen partzuergoari Metrorrey garraio kolektiboko sistemaren 3. linea. Esleipenak barnean hartzen du 22 unitateren hornikuntza, bai eta horri dagozkion zerbitzuak ere kontzesioak irauten duen bitartean (20 urte).

Metrorrey, ofizialki Sistema de Transporte Colectivo Metrorrey izenez ezaguna, Monterrey (Nuevo León estatua, Mexiko) hiriko tren arinen sistema bat da; hiriaren metropoli-area herrialdeko hirugarren populatuena da, Mexikoko Haranaren eta Guadalajararen atzetik.

Metrorrey sistemak, gaur egun, 2 linea eta 32 geltoki ditu zerbitzuan. Orain, 3. linea eraikitzen ari dira, 7,5 km luze izango da eta zortzi geltoki izango ditu; Monterrey, San Nicolás eta Apodaca lotuko ditu, eta, guztira, 280.000 biztanle baino gehiagori emango die zerbitzua.

Metrorrey sistemak 84 ibilgailu ditu zerbitzuan gaur egun; horietatik, 22 CAFek jarri zituen, aurreko kontratu baten arabera.

Kontzesioa, 20 urtekoa, finantziazioa ixtearen mende dago, zeina datozen egunotan itxiko dela kalkulatzen baita. Kontratu honi esker, Mexikoko merkatuan sendotu egin da CAF, tren-hornitzaile nagusietako bat baita, eta Amerika osoko garrantzitsuenetako bat izatera iritsi da.