Prentsa-oharrak

2019/02/15

DUBAIKO MIDDLE EAST RAIL-EN ETA BILBOKO RAIL LIVE-N AURKEZTUKO DITU CAF-EK BERE AZKEN PROIEKTUAK

CAF Taldearen ordezkaritzak izango dituzte Dubain eta Bilbon laster egitekoak diren trengintzari buruzko bi biltzar garrantzitsuk.

Otsailaren 26an eta 27an, Dubain egingo den Middle East Rail topaketan izango da euskal tren-konpainia. Mugikortasun-sistema integraletarako produktu- eta zerbitzu-eskaintza zabala du CAF Taldeak, eta biziki dihardu garraio-sistema eraginkorrak sustatzen Ekialde Ertaineko herrialdeetan. Zenbait tren-flota eginak ditu euskal konpainiak Saudi Arabiarako.

Martxoaren 6an eta 7an Bilbon egingo den Rail Live biltzarrak, berriz, trengintzaren alorreko mundu osoko zenbait operadore eta administrazio esanguratsu bilduko ditu. CAFeko ordezkariek zenbait hitzaldi emango dituzte topaketa horretan, eta konpainiaren azken proiektuak jarriko ditu ikusgai bere standean.

Middle East Rail

Tokia: Dubai International Convention and Exhibition Center,  Dubai.

Data: Otsailak 26 eta 27

Standa: C40

Rail Live

Tokia: Bilbao Exhibition Centre, Bilbo

Data: Martxoak 6 eta 7

Standa: 26.a