2021/04/14
RATP/SNCF Voyageurs taldeak eta Île-de-France Mobilités garraio-agintaritzak adierazi dutenez, Alstom-Bombardier/CAF partzuergoak behin betiko konpromisoa hartu du MI20 kontratuarekin, zeina 2021eko otsailaren 5ean esleitu baitzitzaion.
Hainbat astez izaniko elkarrizketen ondotik, Alstom-Bombardier talde berriak badu kontratuko baldintzen berri eta argitu ahal izan ditu zalantzak; hori horrela, Alstom-Bombardier/CAF partzuergoak konpromisoa hartu du kontratua egikaritzeko, helarazitako akordioan oinarriturik.
RATP/SNCF Voyageurs taldeak eta Alstom-Bombardier/CAF partzuergoak apirilaren 13an izaniko bileran (asteartea) berretsi zuten Alstom-Bombardier/CAF partzuergoa konprometiturik dagoela bai kontratua egikaritzeko, bai hura gauzatzeko hurrengo etapei ekiteko. Proiektua Île-de-France Mobilités agintaritzak deitu eta finantzatua da, eta 2.560 milioi euroko inbertsioa aurreikusten du. Hala, erabakigarria izango da RER B linearako tren berrien eskaera hainbat urtez aurreratzeko.
Kontratu horri esker, Europa osoan erabiltzaile gehien dituen linea modernizatu ahalko da (RER A da lehendabizikoa), bidaiari guztien mesedetan. RER B lineak eskaintzen duen zerbitzuaren kalitatea hobetzeko, guztira 146 tren berrik ordeztuko dituzte gaur egun martxan dauden MI79 eta MI84 trenak. Aurreikuspenen arabera, 2025eko amaieran entregatuko
Joan prentsa-oharretara
Kontsultaren bat egin nahi izanez gero, jarri harremanetan Prentsa Sailarekin: