Abiadura handiko trena aukera garrantzitsua da, gaur egun, beste garraio-sistema batzuekiko —aire-garraioa edo errepidea distantzia luzeetan— lehiakorrak izan nahi duten tren-administrazioentzat.
Garraio-mota horrek erosotasuna eta segurtasuna eskaintzen die erabiltzaileei joan-etorrietan, eta ingurumena gehien errespetatzen duten garraioetako bat da.
CAFek ibilbide luzea egin du arlo honetan. I+Garen alde egindako apustu ausartak azken belaunaldiko abiadura handiko trenen aukera zabala garatzen lagundu du. Tren horiek abangoardiako aurrerapen teknologikoak dituzte diseinuan, segurtasunean eta erosotasunean.
CAFek, Madril-Sevilla lineako Espainiako abiadura handiko trena (AVE) hornitzen parte-hartze garrantzitsua izateaz gain, 120 eta 121 serieetako trenak fabrikatu ditu RENFErentzat, eta 12 unitate, Turkiako tren-konpainientzat.
CAFen abiadura handiko soluzioen tren-elkarreraginaren helburua da nazioarteko eragiketa-kudeaketak egiten laguntzea bezeroei, fidagarritasun handieneko teknologia duen abangoardiazko flota baten bidez.
Abiadura handiko soluzio berritzaileen erakusle nagusi gisa, Oaris teknologia propioarekin diseinatutako abiadura oso handiko trenen plataforma da, eta 500 bidaiari baino gehiagorentzako tokia du. Flota horien modulartasunari esker, hainbat osaeratako trenak dituzte bezeroek, eta erosotasun-mailarik handiena eskaintzen zaie une oro erabiltzaileei.