Estoniako hiriburuko tranbia-zerbitzuaz arduratzen den enpresak (Tallinna Linnatranspordi Aktsiaselts) Urbos familiako 16 tranbia berri erosteko kontratua esleitu dio CAFi.
Zehazki, Urbos AXL modeloa da, noranzko bakarrekoa, eta 1067 mm-ko zabalerako trenbidean ibiltzeko diseinatuta dago. Tranbia honek trenbide-ardatzak baliatzen ditu bogietan; hala, errazagoa da bihurgunean inskribatzea, eta handitu egiten da har dezakeen gehienezko abiadura.
Unitateak prestatuta daude Estoniako baldintza meteorologiko gogorretan ibiltzeko (-40 ºC-tik 40 C-ra). Ibilgailuak, gainera, ACR sistema du; horri esker, balaztatzean sortzen den energia metatu egiten du, eta abioan erabili. Hori dela eta, tranbiak askoz ere energia gutxiago behar du.