MARYLANDEKO TREN-UNITATE ARTIKULATUA

CAF enpresa da Estatu Batuetako Maryland estatuaren tren-hornitzaile berria. Purple Line deritzon linean ibiliko dira tren-unitate artikulatu horiek, bost modulukoak. Besteak beste, elementu hauek dituzte trenek: aire egokituko ekipoak, jendea zenbatzeko sistema (trenean bertan) eta bidaiariei informazioa emateko sistemak, akustikoak zein bisualak.

Metro arineko linea da Purple Line deritzona, zeina Montgomery konderriko Bethesdatik Prince George konderriko New Carrolltoneraino hedatzen baita. Washingtongo metroko (WMATA) linea gorri, berde eta horiarekiko zuzeneko lotura eskainiko du Purple Linek, bai eta aldirietako MARC eta AMTRAK lineekin eta tokiko autobus-lineekin ere.

Material gurpildunaren hornitzaile ez ezik, tren-sistema arinaren jarduera eta mantentze-lanak kudeatzen dituen sozietateko partaide ere bada CAF. Purple Lineren diseinuaz, eraikuntzaz, finantziazioaz, ustiapenaz eta mantentze-lanez arduratzen den proiektu publiko-pribatua da sozietatea.

New Yorkeko estatuko Elmiran CAFek duen fabrikan egingo dira tren-unitate-artikulatuak.