2011n, CAFek eskualdeko 3 Civity trenen diseinuaz, fabrikazioaz eta hornikuntzaz arduratzeko kontratu bat sinatu zuen Montenegroko ŽPCG operadorearekin. Unitate elektriko horiek 3 kotxe dituzte, eta 165 bidaiari eserita eramateko adinako edukiera.
Podgoricatik Nikšicerako ipar-mendebaldeko linean ematen dute zerbitzua tren horiek. Linea hori abiadura handiagoan bidaiatzeko egokitu dute, eta 25 kV-eko haria jarri diote.
Civity trenak zoru baxukoak dira eta erabiltzaileei ahalik eta erosotasun handiena eskaintzea dute helburu. Mugitzeko arazoak dituzten pertsonentzako irisgarritasun baldintza onenak dituzte, eta beren beharretara egokitutako gune bat barne hartzen dute.
Bere diseinu aerodinamiko zainduak, bogie partekatuei esker murriztutako pisuak eta fabrikazioan erabilitako materialen birziklagarritasunak agerian uzten dute Civity modeloak ingurumenarekin duen konpromisoa.