CAFek egingo ditu First Group enpresak kudeatzen duen TransPennine Express frankiziarentzako eskualde-tren berriak. Tren berriak unitate elektriko anizkoitzak dira, eta Civity plataformaren parte izango dira.
Unitate horietako bakoitzak 5 bagoi izango ditu, eta 200 km/h-ko abiadura har dezakete gehienez. Barrualde moderno eta funtzionala dute, bidaiarientzako informazio-sistemekin eta WiFiarekin, bidaiarien erosotasuna handitzeko.
Bestetik, tren berri horien diseinuak trenbideari kalte gutxiago eragiten dio, unitateak arinagoak baitira. Gainera, Civity UK unitateak bereziki diseinatuta daude balaztatzean energia berreskuratzeko, balazta leheneragarriari esker. Hala, lana optimizatzen eta eraginkortasun-indize altuak lortzen laguntzen du.
Epe luzeko konpromisoa izango du CAFek First Group operadorearekin, frankiziak diharduen bitartean harekin elkarlanean jardungo du, mantentze-lanetarako laguntza teknikoko zerbitzua eta bi tren-plataformetarako ordezkoen kudeaketa integraleko zerbitzua emanez.