CAF izango da Alemaniako Ruhrbahn GmbH operadorearentzako LRV berrien hornitzailea.
Unitate berriak noranzko bikoak izango dira, 28 metroko luzera dutenak, eta gehienez 80 km/h-ko abiaduran zirkulatzeko diseinatuta daude. Gainera, segurtasun handiagoa bermatzeko, gidariari laguntza emateko sistema eta kanpoko kamerak izango dituzte ohiko atzeraispiluen ordez.
Ibilgailuek Essen eta Mülheim hirietan zerbitzua ematen duten eta bi hiriak lotzen dituen tranbia-sarean zirkulatuko dute. Gaur egun, 155 kilometroko ibilbidea du sare horrek eta metropoli eremuko mugigarritasun guztia egituratzen du.