CIVITY ESKUALDEKO TRENA, SJ AB OPERADOREARENTZAT

SJ Suediako estatu mailako operadorearentzako eskualde-unitate berrien hornitzailea da CAF.

Trenak 5 kotxez osatuta daude, eta zirkulatzeko orduan 3 unitate akoplatzeko aukera dute. Hala, edukiera handia eskaintzen diote operadoreari, 1.000 eserleku ingurukoa. Unitateek sarbide erraza dute eta malguak dira bidaiari mota ororentzat. Gainera, eskualdeko eta eskualdearteko zerbitzuetara bideratuta daude.

Unitate hauek Civity Nordic plataformakoak dira, gehienez ere 200 km/h abiaduran zirkulatzen dute, erabiltzaileei erosotasun handiena eskaintzeko diseinatuta daude eta Suediako baldintza klimatologiko gogorrei aurre egiteko irtenbide espezifikoak ditu. 

SJren eskualdeko flota modernizatu eta hobetuko dute tren berriek. Gaur egun, bi solairuko X40 trenek eta tren-makinek atoian eramaten dituzten bidaiarien bagoi zaharrek osatzen dute SJren eskualdeko flota.

Suediako eskualderik jendetsuenen eta urrutien dauden hiri txikienen arteko konexio azkarrak ahalbidetuko dituzte unitate berriek; geldialdien maiztasuna ertain-altua izango da.