Civity irtenbide aproposa da bidaiari asko hartzeko gaitasuna duten trenak nahi dituzten bezeroentzat. Modularra denez, konpainia bakoitzak bere trenen konfigurazioa egokitu dezake tarteko bagoiak kenduz edo berriak jarriz, bidaiarien eskaeraren arabera.
Civity plataformak trakzio-mota ugaritako trenak sartzen ditu zoru baxuko ibilgailu modular bakarraren kontzeptuaren barruan. Trakzio-mota hauetako Civity trenak daude:
Trakzio-mota guztietako Civity trenak horni daitezke bateriaz. Bateriei esker, kanpotik argindarrik hartu gabe mugi daiteke trena edo trenari energia gehigarria eman diezaioke, katenariatik jasotzen den energia mugatuta dagoenean. Horrez gain, bateriek energia metatzeko aukera ematen dute balaztatzean; hala, gutxitu egiten da energia-kontsumoa.
Energia biltegiratzeko CAF sistemak modularrak eta konfiguragarriak dira; beraz, erraz egokitu daitezke bezero bakoitzaren eskaeretara.
CAFek 2010az geroztik du ordainpeko zerbitzuan bateria-energiarekin dabiltzan ibilgailuak: Sevillako tranbia, Zaragozako tranbia, Birmingham-eko tranbia eta Kaohsiung-eko tranbia, besteak beste.