BITRAC

energia-eraginkortasun handiena

Ahalik eta energia-eraginkortasun handiena bermatzeko diseinatu da Bitrac. Haren trakzio-sistemek aukera ematen dute energia-galerak minimizatzeko eta kontsumoa optimizatzeko. Horrez gain, murriztu egin da kaxaren egituraren masa, bai eta ekipo eta elementu osagarri guztien masa ere.

Era berean, CAFek kontu handiz aukeratzen ditu fabrikazioan erabiltzen diren material guztiak, eta arreta berezia jartzen du birziklagarritasunean. Orobat, material desberdinetako piezen arteko elkarketa itzulezinik egiten ez duenez, trenaren mantenimendua errazagoa da, eta, gainera, trenaren bizitza baliagarria bukatzen denean, piezak desmuntatzea eta berrerabiltzea ere errazten du.

Bitrac tren-makina sortzean, lehentasuna eman zaio balazta leheneragarriari, balazta erreostatikoaren eta marruskadurazkoaren aurretik. Hala, balaztatze-prozesuan berreskuratutako energia katenariari itzultzen zaio, eta beste tren batean erabil daiteke, edo berriro ere sare elektrikora itzul daiteke, azpiegituraren ezaugarrien arabera.

Azkenik, Bitrac-en diseinu optimizatuari esker, zarata-emisioak asko murrizten dira unitateak martxan daudenean.