Bitrac malgutasunaren sinonimo da. Haren osagaien estandarizazioak bide ematen du tren-makina horiek bezero bakoitzaren behar espezifikoetara egokitzeko. Modularitateari esker, tren-makinen gama zabal bat du, eta tren-makina horiek hainbat ezaugarri dituzte, parametro hauen arabera:
Bitrac-ek kabina bakarreko nahiz bi kabinako tren-makinak barne hartzen ditu.
Bitrac-ek tren-makina elektrikoak, diesel-elektrikoak eta bi modukoak (elektrikoa / diesel-elektrikoa) barne hartzen ditu. Diesel-elektrikoen barruan, CAFek diesel motor bakarreko eta bi diesel motorreko tren-makinak garatzen ditu.
Bitrac, bidaiarientzako trena ez ezik, karga-operadoreentzako irtenbide ezin hobea ere bada. Halaber, aukera ematen du tren-makina bere bizi-ziklo osoan egokitzeko: merkantzien tren-makina bat bidaiariak eramateko tren-makina bihur daiteke, eta alderantziz.
Bitrac tren-makina bide-zabalera desberdinetarako diseinatuta dago: nazioarteko zabalerarako (1.435 mm) eta beste zabalera espezifiko batzuetarako (1.520 mm, 1.524 mm, 1.600 mm eta 1.668 mm).
Elikadura-tentsio desberdinetarako diseinatuta dago Bitrac: 1,5 kV DC (korronte zuzena), 3 kV DC, 15 kV AC (korronte alternoa) eta 25 kV AC.
Bitrac-ek 2 ardatzeko (Bo´ - Bo´) eta 3 ardatzeko bogieak (Co´ - Co´) ditu.
Erabiliko den merkatuaren ezaugarrietara egokitzen da Bitrac tren-makinaren diseinua. Hotz- eta bero-kondizio klimatologiko muturrekoenetara egokitu daitezke haren ekipoak.