Konpromiso korporatiboak
Konpromiso korporatiboak
CAFeko konpromiso korporatiboen helburua da bere misioaren garapena interes-taldeen aurreikuspenak eta beharrak asebetetzearekin bateratzea epe luzera begira modu jasangarrian balioa sortzeko.
Etengabeko komunikazioa eta informazio gardena oinarri dituen estrategiaren bidez, talde horiek bere helburuetan eta jardueretan eragina duten esparruetan parte-hartzea eta barneratzea bultzatzen du enpresak: produktu eta zerbitzuekin lotuta ingurumena defendatzea, kalitatea eta segurtasuna, hornikuntza-kate jasangarriaren garapena eta laneko segurtasuna eta osasuna, besteak beste.
KALITATE ARLOKO BIKAINTASUNA
CAFek bere prozesuen etengabeko hobekuntzaren eta arreta pertsonalizatuaren aldeko apustua egin du bere bezeroen aurreikuspenak eta beharrak asebetetzeko. Hala, kalitate, segurtasun, fidagarritasun eta eskuragarritasun handiko zerbitzu eta produktuak eskaintzen dizkie. Gainera, kudeaketan bikaintasuneko kultura sustatzen du barne mailan eta kanpoko laguntzaileekin, helburuak lortzeko lanean inplikatuta.
ZIBERSEGURTASUNA ETA SAFETY-A
Politika honen helburua da erabiltzaileei, bezeroei eta bestelako interes-taldeei produktu eta zerbitzu seguruak eskaini ahal izateko oinarriak zehaztea. Praktikan, Politika horrek, gure produktu eta zerbitzuen erabiltzaileen segurtasun fisikoan eragina duen guztia biltzen du. Baita euren eta gure instalakuntzen zibersegurtasuna ere.
EROSKETA JASANGARRIAK
Enpresak bere hornitzaileek honako hauekin lotutako eskakizunak betetzea oinarri duten harreman komertzialak finkatzea bultzatzeko konpromisoa hartzen du bere gain: giza baliabideak, lan-baldintza duinak, etika komertziala, ingurumena, osasuna eta segurtasuna. Horiek guztiak Hornitzaileen Jokabide Kode Korporatiboan daude jasota.
INGURUMENAREN BABESA
CAFen ustez, ingurumena jasangarritasun kontzeptuaren elementu nagusia da. Horregatik, enpresak berotze globalaren kausak arintzeko eta klima-aldaketara egokitzeko jarduerak garatzeko konpromisoa hartu du bere gain 2030eko Garapen Jasangarrirako Nazio Batuen Munduko Itunaren baitan jasotakoa betez.
SEGURTASUNA ETA OSASUNA
CAFek enpresan lan profesionala egiten duten pertsona guztien artean prebentzio-kultura bultzatuz laneko arriskuak gutxitzeko eta horiek desagerrarazteko beharrezko bitartekoak erabiltzen ditu. Helburua da lantoki seguru eta osasungarriak izatea. Horren baitan, pertsonak izango dira gainerakoen eta lan-ingurunearen autozainketarako eta zainketarako erakusgarri.