- Hasiera
- Berrikuntza eta teknologia
- TRENBIDE DIGITALA
TRENBIDE DIGITALA
Trenbide-sisteman digitalizazioa ezartzea ezinbesteko elementua da azaldutako gainerako joeren bilakaerarako, eta zerbitzu eta negozio digital berriak sortzeko aukerak zabaltzen ditu.
CAFen garapen teknologikoak egiten dira; bildutako datuen kopurua eta kalitatea hobetzeko, komunikazio berriak txertatzeko, eta osagaien modelizazio fisikoa barne hartzen duten algoritmoak garatzeko, baita adimen artifizialaren bidezko datuen analisi aurreratuarekin ‘biki digitalak’ sortzeko ere.
SENTSOREAK ETA DATUEN ERDIESPENA
Sentsore- eta ikusmen artifizialeko sare batez osatutako arkitektura modular baten diseinuak, trenaren kanpoaldean nahiz barrualdean kokatuta, ikusmen artifizialeko eta irudiak ezagutzeko algoritmoak integratzea ahalbidetzen du.
Horretarako, ingurua hautemateko sistema fidagarri bat erabiltzen da, sentsoreen datuak eta ikusmen artifiziala uztartzen dituena.
Ibilgailuko sistema nagusietan integratutako sentsoreak egoki aukeratuz gero, eta trenaren kontrol sisteman sortutako informazioarekin eta datuen ondorengo erregistroarekin, aurre-prozesamenduarekin eta transmisioarekin konbinatuz gero; datuak prest geratzen dira gordetzeko, eta gerora hainbat aplikaziotan erabiltzeko, Big teknologiak erabiliz.
BIG DATA ETA CLOUD COMPUTING
Digitalizazioaren orokortasunak handituz doan datuen kopurua sortzen du.
Big Data teknologiei esker, posible da datuen kudeaketan, transmisioan, prozesaketan eta biltegiratzean ahalik eta modurik ekonomiko eta eraginkorrenean lan egitea.
Datuen kopuruaren hazkunde horrek eskatzen du kudeatu behar diren osagaietatik sorturiko beharrak ondo dimentsionatzea. Horretarako, funtsezkoa da beharretara egokitzen diren sistema malguak izatea. Datuak bildu eta tratatzeko hodeia erabiltzeak konponbide egokiak, eraginkorrak eta lehiakorrak lortzea ahalbidetzen du, merkatuan dauden askotariko produktu, sistema, teknologia eta tresnetan oinarrituta.
KOMUNIKAZIOAK
Digitalizazioak datuen iturria azpiegituraren biltegiratzearekin konektatzea eskatzen du. 5G gisako teknologiek orain arte ezinezkoak ziren konponbide teknikoak eta arkitekturak ahalbidetuko dituzte.
Konektaturiko aktiboak izateak sistema adimendunak arrisku gehiago pairatzeko aukera izatea dakar; beraz, ez da ahaztu behar balio-kate osoari aplikatutako zibersegurtasunaren kudeaketa integrala ezartzea:
- SW eta HW sistemen diseinua, sistemak kontrolatu eta monitorizatzen dituena.
- Konfiguraziorako eta artxiboen kudeaketarako tresnak.
- Sistemetan funtzionaltasun berriak txertatzeko komunikazio-sistemak.
- Big Data, Analytics, datuen ustiaketarako sarbide sistemak.
ZIBERSEGURTASUNA
Digitalizazioak onura handiak ekartzen ditu garraioaren eraginkortasun operatiboan; erabilgarritasuna, edukiera, puntualtasuna eta mantentze-gaitasuna, baita bidaiarien esperientzia eta erosotasun hobea ere. Gainera, ezinbestean areagotzen du zibermehatxuekiko ahultasuna.
Zibersegurtasunaren ikuspegiak segurtasun-mehatxuen aurka babesteko behar den babes sakona eskaini behar du, garraiooperadoreak beren betebeharrak betetzeko prest daudela ziurtatuz.
DATUEN ANALITIKA AURRERATUA ETA ADIMEN ARTIFIZIALA
Modelaketa fisikoa, seinaleen analisi aurreratua, ezagutza aditua eta ML/AI teknikak arazo konplexuei aurre egiteko uztartzen dira askotariko eremuetan:
- Osasuna monitorizatzeko sistemak, baldintzan oinarritzen den mantenurako.
- Optimizazio energetikoa.
- Esekiduren degradazioa.
- Trakzioaren estrategiak.
- Benetako eskakizunetan oinarritutako diseinua.
Arazoen konponbide egoki bat eman ahal izateko, eskuragarri dauden informazio eta teknika guztiak erabiltzen dituen ikuspuntu holistiko bat behar da.
Azpisistema garrantzitsuen ‘biki digitala’ horren adibide argi bat da. Modelazio fisikoaren teknikak eta datuen zientzia uztartuz, sistema errealaren ‘biki’ bat sor daiteke. Honakoa ahalbidetzen du:
- Egungo portaera optimizatzea.
- Etorkizuneko diseinuak hobetzea.
- Sistemaren funtzionamendu okerra antzematea, benetako portaera eta biki osasuntsuarengandik esperotakoa alderatuz.